Улуттук госпиталдын жүрөк жана кан тамыр микрохирургиясы бөлүмүнүн дарыгери Элзар Токтоназаров колуна камера алып, өзү иштеген жайдын жалаң оң жактарын видеого тартып, социалдык тармактар аркылуу элге жайылтып келет. Дарыгер Токтоназаровдун өзүнүн чакан студиясы да бар, андан жеке эле видео тартпастан, оор дарттуу бейтаптарга жардам берүү үчүн аймактар, ал тургай чет мамлекеттер менен да байланышат.