2021-жылы президент Садыр Жапаровдун демилгеси менен Балыкчы-Барскоон жолу башталып, үч жылдан кийин ишке бериле турганы айтылган. Долбоор “Кумтөр” алтын кенинин акчасынан каржыланмак. Жолду алгачкы жолу атамекендик компаниялар сала турган болгон. Бирок 140 чакырымга созулган жол белгиленген мөөнөтүнөн кеминде эки жыл кеч бүтө турганы маалым болду. Буга долбоордун шашылыш башталганы, жолчулар менен өкмөттүн баа боюнча бир пикирге келе албай жатканы себеп болгондой.
Экономика
жума 26 Апрель 2024
АКШнын президенти Жо Байден 24-апрелде Украинага дээрлик 61 млрд доллар жардам берүү мыйзамына кол койду. Ал тапта Киевге курал жеткириле баштады. Кыргызстанда нөшөрдөн улам үч күндө 67 сел жүрдү. Кыргызгидромет борбору тоолуу райондордо дагы сел жүрүшү мүмкүн экенин эскертти. Өлкөдө көк жөтөл күч алып, ага чалдыккандардын саны соңку төрт айда миңден ашты. Жугуштуу ооруга чалдыккандардын көбү эки жашка чейинки балдар.
