Линктер

ЧУКУЛ КАБАР!
28-Март, 2024-жыл, бейшемби, Бишкек убактысы 16:26

Алайкуу интернетте барбы?


Кошоматка кой союп, астыңа мык да төшөп... “Азаттык үналгысы". TKy. 12.07.2011.
Кошоматка кой союп, астыңа мык да төшөп... “Азаттык үналгысы". TKy. 12.07.2011.

Заманбап кыргыз азилдеринен.

* * * * * * *

Алайкууну интернеттен көрүү кыйын

2009-жылы студент болгон азилчи эскерет:

"Биздин эсепкерди жакшы өздөштүргөн бир агайыбыз бар эле. Ал бир күнү ноутбугун көтөрүп келип, "өз айылыңарды көргүңөр келеби, интернеттен?" - деп сурап калды.

Биз жабыла макул болдук.

Анан ал ар бирибизден 50 сомдон алып, айылыбызды Гууглдан көрсөтүп берди.

Анан бир алайкуулук кызыбызга кезек жетип калганда:

- Алайкуу - бийик тоолуу район, аны көрүү кыйын, ага көп акча кетет, - деп айтып, агайыбыз андан 150 сом алып көрсөттү.

Көрсө, агайбыз "бизнес жасаган" экен".

* * * * * * *

Сынак маалындагы тааныштар

Бир ЖОЖдун окутуучусу студентти чакырып алып, тигиге "китепчеңди (зачеткаңды) бер", деп айтып, анан студенттин өзүнө тааныш кишинин уулу экенин көрүп, мындай дейт:

- Өзүмүн аяш уулум турбайсыңбы, балам. Сага оңой эле суроо берем, эч кыйнабай! Кана, айтчы, биз жашап жаткан Жердин жалпы шекили кандай?
Студент жооп узатат:
- Үч бурчтук беле, агай?
Окутуучу берки аяш баласы түшүнбөй калды окшойт деп, алкактын шекилин колу менен абага чийет да:

- Жердин шекили кандай эле? - деп суроосун кайталайт.

Тиги студент:
- А-аа, таптым, төрт бурчтук!
Окутуучунун жини келип, студентти жекирет:

- Чык, жогол! Сендей акмакты биринчи жолу көрүшүм!
Ызаланган студент сыртка чыгып бара жатып:
- Агай! Эки тоо жолукпайт, бирок акыры экөөбүз жолугабыз! Жер деген тоголок эмеспи! - деген экен.

* * * * * * *

(Интернеттеги коомдук тармактардан алынды).

XS
SM
MD
LG