5-июлда Шанхай кызматташтык уюмуна кирген 6 мамлекеттин башчыларынын Астанада өткөн саммитинде кабыл алынган декларацияда Борбор Азиядагы АКШнын аскерий базаларын алып чыгып кетүүнүн мөөнөтүн тактоо маселеси козголгон. Адистердин пикиринде Доналд Рамсфелд дал ушул талылуу ишти жайгаруу максатында атайын алыстан ат арытып Кыргызстанга келип отурат.
Кыргызстандын коргоо министринин милдетин аткаруучу Исмаил Исаков "Азаттыкка" 25-июлда берген интервьюсунда АКШ коргоо министринин Кыргызстандагы сапары маалында бир эле Ганси аскер базасынын тагдыры талкууга алынбайт деп белгилесе дагы, дүйнө коомчулугунун, өзгөчө Шанхай кызматтыштык уюмуна кирген Кытай менен Орусиянын көзү, кулагы ушул күндөрдө Бишкекте болуп турганы жашыруун эмес.
Айрым саясатчылар Астана жыйынында Кыргызстанга Шанхай уюмунун башка мүчөлөрү тарабынан кысым болгон болушу ыктымал дешет. Рамсфелд мырза балким ошондон улам Кыргызстандын жаңы бийлигине АКШ менен кызматташуу дагы артыкчылыктуу багыт экенин билдирүү максатында Бишкекке келди дешет саясатчылар.
Кыргызстандын коргоо министринин милдетин аткаруучу Исмаил Исаков "Азаттыкка" 25-июлда берген интервьюсунда АКШ коргоо министринин Кыргызстандагы сапары маалында бир эле Ганси аскер базасынын тагдыры талкууга алынбайт деп белгилесе дагы, дүйнө коомчулугунун, өзгөчө Шанхай кызматтыштык уюмуна кирген Кытай менен Орусиянын көзү, кулагы ушул күндөрдө Бишкекте болуп турганы жашыруун эмес.
Айрым саясатчылар Астана жыйынында Кыргызстанга Шанхай уюмунун башка мүчөлөрү тарабынан кысым болгон болушу ыктымал дешет. Рамсфелд мырза балким ошондон улам Кыргызстандын жаңы бийлигине АКШ менен кызматташуу дагы артыкчылыктуу багыт экенин билдирүү максатында Бишкекке келди дешет саясатчылар.