БИШКЕК. 24-декабрда Бишкектеги Биринчи Май райондук соту укук коргоочу Турсунбек Акундун премьер-министр Николай Танаевди жоопко тартуу тууралуу доо арызын кароону улантты. Бирок бул күнү да премьер-министр сотко келген жок. Анын кызыкчылыгын коргогон адвокат Николай Жучков сот ишине Аксы окуясы учурунда атайын кызматтар тарабынан жашыруун тартылган тасманы, Байтик-Бишкек жүрүшү убагындагы жана башка Турсунбек Акун катышкан окуялар боюнча жыйналган материалдарды кошууну сунуштады. Турсунбек Акун жана анын адвокаты буга каршы болгонуна карабай, судья премьер-министрдин адвокатынын сунушун кабыл алды. Андан кийин сот ишти кароону 10-январга которду.
Укук коргоочу Турсунбек Акун «массалык маалымат каражаттары аркылуу адамдык абийириме шек келтирди» деп, премьерден өз пайдасына 1 млн. сом өндүрүп берүү талабы менен сотко кайрылган.
Укук коргоочу Турсунбек Акун «массалык маалымат каражаттары аркылуу адамдык абийириме шек келтирди» деп, премьерден өз пайдасына 1 млн. сом өндүрүп берүү талабы менен сотко кайрылган.