ИСЛАМАБАД. Пакистан Ирандын ядролук программасын өнүктүргөнгө жардам бергенин төгүндөдү. Кечээги макаласында "Таймс оф Ланден" гезити "Иран ядролук технологияны өнүктүргөнгө Пакистан кол кабыш кылганын МАГАТЭнин алдында мойнуна алды", -деп жазып чыккан. Пакистандын тышкы иштер министрлиги андай кабарлар "мусулман өлкөлөрүн каралоо үчүн" таратылып жатат деп айыптады. Пакистанда кеминде 30-60ка чейин ядролук дүрмөт бар экени болжолдонот.
