ТАЛАС. Казакстан менен чектеш Талас облусунда чегарага байланыштуу чыр-чатак чыгып кетүү коркунучу бар. Ушуга байланыштуу "Каунтерпарт консорциум" эларалык уюмунун бир нече адистери чегара, суу жана социалдык маселелер боюнча чыр-чатак чыгып кетүүнүн болжолдуу жагдайларын иликтеп бүтүштү. Эки адис Манас районунун чегарага жакын жашаган үй-бүлөлөрүн ой-пикирлерин иликтөөгө алса, бир адис чегара жана суу бөлүштүрүү маселелери боюнча чыр-чатактуу жагдайларды талдоого алды. «Бир жумага созулган иликтөөнүн материалдары пайда болуучу чыр-чатактарды алдын алууга көмөктөшөт», - деди жумушчу топтун жетекчиси Бурул Усманалиева.
