БИШКЕК. Жыл башынан бери Кыргызстандын мамлекеттик бюджетине 3 миллиард 732 миллион сом түштү. Мындай маалыматты бүгүн Каржы министрлигинин басма сөз кызматы таратты. Ал кабарга караганда, биринчи кварталда жыйналган төлөмдөрдүн көлөмү өткөн жылга салыштырмалуу 29 процентке көп. Кирешенин көлөмү 24,5 процент болуп, өткөн жылга салыштырмалуу 3,4 процентке жогорулады. Жыйналган салыктын көлөмү да өткөн жылга салыштырмалуу 27 проценке жогору болуп, 2 миллиард 875 миллион сомду түздү. Ал эми бажы инспекциясы үч айдын ичинде 1 миллард 294 миллион сом жыйнады.
