Беслан шаарындагы мектептердин биринде баш-аягы үч жүздөн ашуун окуучуну барымтада кармап жаткан куралдуу топ менен белгилүү доктор Леонид Рошаль сүйлөшүүлөрдү жүргүзүүдө. Барымтада жаткандарга суу жана тамак-аш киргизгенге дале мүмкүн болбой жатат. Туткундардын арасында ата-энелер жана мугалимдер да бар. Куралдуу топ шаршемби күнү эрте менен мектепке кол салган учурда бери дегенде эки, ары дегенде төрт киши набыт болгону айтылууда.
