Рамазан айынын аягында - 9-ноябрда Түркмөнстанда тогуз миңге жакын адам өлкө абактарынан бошотулаары күтүлүүдө. Президент Сапармурад Ниязов ар жыл сайын Орозо-айт күнү мунапыс жарыялайт. Быйыл абактан бошой тургандардын арасында 150 чет өлкөлүк жаран бар - алар Армения, Кыргызстан, Молдова, Өзбекстан жана Тажикстандан келгендер. Бул тууралуу Ниязов өзү бүгүн башталган парламент сессиясында жарыялады. Анын айтымында, 1-январдан тартып өлкөдөгү айлыктар менен пенсиялар 50 пайызга жогорулайт.
