Кечээ күнү Маскөөгө Беларус президенти Александр Лукашенка келип, орус президенти Владимир Путин менен эки өлкө ортосундагы байланыштарды тереңдетүү маселелерин талкуулады. Лукашенка Путинге - Орусия Беларусту колдогону үчүн алкыш айтты, Путин болсо жолугушуу алдында журналисттерге - Беларустагы адам укуктарынын абалы тууралуу да сөз болот деп билдирген. Эки өлкө ортосунда мурда түзүлгөн келишимдер боюнча, 2006-жылдын январынан тартып Орусия менен Беларуста бирдиктүү акча киргизилүүгө тийиш.
