Париж шаарында жайгашкан "Чек арасыз репортерлор" деген уюм бүгүн атайын билдирүү таратып, Казакстандагы сөз эркиндиги тууралуу тынчсыздануусун билдирди. Өлкөнүн "Время-принт" деген басмаканасы 26-сентябрда бир нече оппозициялык гезитти басууну токтоткон. Башкы прокуратуранын айтымында, басылмалар айрым эрежелерди бузган, журналисттердин пикиринде болсо, бул жөн гана 4-декабрда өтө турган президенттик шайлоо алдында басма сөзгө көрсөтүлө баштаган кысым.
