БИШКЕК. 1-август күнү Коргоо министрлигинин Жогорку Кенештин имаратында жайгашкан Байланыш башкармалыгында радио машыгуу өткөрүлүшү белгиленген. Жогорку Кенештин вице-спикери Кубанычбек Исабеков 31-июлда башкармалыктын кызматкерлерин имаратка киргизбөө жөнүндөгү буйругун чыгарганына байланыштуу бул иш-чараны талаа шартында өткөрүүгө туура келди. Бул тууралуу бүгүн коргоо министринин биринчи орун басары Замир Молдошев билдирди. Кечээ Кубанычбек Исабеков 1-август күнү Коргоо министрлигинин кызматкерлери күч менен имаратка кирүү аракетин көрүштү деп маалымдаган. Молдошевдин айтымында, эгерде өкмөт башка жайды бөлүп берсе, министрликтин Байланыш башкармалыгы парламенттин имаратынан көчүрүлөт.
Азиза Турдуева, Бишкек
Азиза Турдуева, Бишкек