Жогорку Кеңештин депутаты Дооронбек Садырбаев жыл аягына чейин президент Курманбек Бакиевге ишеним көрсөтпөө талабын Жогорку Кеңешке кое тургандыгын бүгүн “Азаттыкка” билдирди. Анын айтымында, Бакиев өлкөнүн саясий-экономикалык абалын жакшыртуу багытында айткан бир топ убадаларынын аткарбай жатат. Садырбаев учурда буга керектүү негиздүү далилдерди, документтерди топтоого киришти.
