“Бишкектеги баш-аламандыктар менен элди бөлүп-жаруу, мамлекетти ыдыратуу аракеттери бизди кыжырдантат. Бийликтин ишине тоскоолдук кылган оппозиция мүчөлөрүн жоопко тартууну талап кылабыз”. Райондун Барпы айыл өкмөтүндө өткөн митинге катышкан 365 киши президент менен өкмөткө, Жогорку Кеңеш менен баш прокурорго ушундай кайрылуу жасаганын айыл өкмөт башчысы Дөөлөт Эргешов билдирди. Облуста бир нече саясий партиялар 19-апрелдеги окуяга мамлекеттик төңкөрүш катары баа беришти. Алар бейшембидеги окуяга оппозициячыл 5-6 саясатчынын айыбы бар деп аташып, баш прокурордон аларга каршы кылмыш ишин козгоону талап кылды. (YA)
