Ички иштер министрлигинин маалымат кызматынын кабарлоосу боюнча окуя 7-май күнү кечки саат тогузда Бишкек-Манас автожолунда болуп, автоунаага урунган Сокулук районунун тургуну 50 жаштагы Зарылбек Аскарбеков дароо мерт болгон. Коалициянын аскер кызматкери деп шектелген адам Ауди-100 С-4 үлгүсүндөгү автоунааны ишеним каттын негизинде айдап жүргөн жана кырсык болгон жерден качып кеткен. Ички иштер министрлиги «Манас» аэропортунда жайгашкан аба-аскерий базанын жетекчилигине окуя тууралуу маалымдап, аскер кызматкери ким экендигин аныктап берүүнү суранды. Антитеррордук коалицияга таандык аскер базасы бул окуяны тастыктай элек. BuS)
