Кыргызстандагы “Журналист” коомдук бирикмеси бул датага байланыштуу ММК өкүлдөрүн тилектештикке чакырган иш-чара өткөрдү. Ал негизинен ушул тапта мамлекетке чыккынчылык кылган деген айып менен камакта отурган Жогорку Кеңештин маалымат кызматынын кызматкери Жыпаргүл Арыковага колдоо көрсөтүүгө багытталган. 8-сентябрды журналисттердин эл аралык тилектештик күнү катары белгилөө чечими 1957-жылы журналисттердин эл аралык уюмунун IV конгрессинде кабыл алынган. (EBM)
