3-декабрдан тарта 2008-жылдын 3-январына дейре майыптар күнүнө карата айлык өткөрүү тууралу Буйрукка президент кечээ кол койду. Ага ылайык өкмөткө мүмкүнчүлүгү чектелген адамдарга ар тараптуу колдоо көрсөтүү милдети жүктөлдү. Иш-чара алкагында майып адамдарды бекер медициналык текшерүүдөн өткөрүү, алар үчүн бекер маданий оюн-зоок уюштуруу каралат. Мындан тышкары бир жолу болсо да материалдык жактан жардам көрсөтүлөт. Кыргызстанда баш-аягы 95 миңден ашык мүмкүнчүлүгү чектелген адамдар бар. Адистер белгилөөсүндө алар саны жылдан жылга өсүүдө. (EKa)
