Иш сапар 24-январда башталаарын өкмөттүн маалымат кызматы кабарлады. Евразия экономикалык шериктештигинин Мамлекеттер аралык кеңешинин өкмөт башчыларынын деңгээлиндеги жыйналышынын алкагында премьер-министр Игорь Чудинов жетектеген кыргыз делегациясы бир катар эки тараптуу жолугушууларды өткөрөт. Жыйналыштын күн тартибинде жыйырмага жакын маселелер каралмакчы. Негизги маселелер ЕврАзЭСтин алкагында бажы союзунун укуктук базасын түзүү, Борбордук-Азия регионунун суу-энергетика ресурстарын натыйжалуу пайдалануу концепсиясынын долбоорун иштеп чыгуу болмокчу. (ESu)
