Республикалык жана Демократиялык партия "праймериз" деп аталган баштапкы шайлоону бүгүн 20дан ашуун штатта, анын ичинде Калифорния, Нью-Йорк, Нью-Жерси өңдүү калктуу штаттарда өткөрөт. Республикачылардан сенатор Жон МакКейн добуш берүү өтүүчү 21 штаттын көбүндө өзүнүн жакынкы атаандашы Митт Ромнини утуп алаары күтүлүүдө. Ал эми Демократиялык партиянын талапкерлери: сенаторлор Хиллари Клитон менн Барак Обама, коомдук пикирдин көрсөткүчтөрүнө караганда, праймериз өтүүчү 24 штаттын көбүндө бири-экинчисине тең чамалаш жүрүүдө.
