Нооруз майрамына облустук бийлик алдында чогулгандарды облустун губернатору Кошбай Масиров менен Жалалабат шаарынын жана облустун улуттук маданий борборлордун жетекчилери куттукташты. Жаздын келишин жар салган келин-кыздар менен кошо айдоо мезгилин элестеткен театрлаштырылган оюн-зоок көрсөтүлдү. Ал оюн-зоокко шаардагы орто жана жогорку окуу жайлардын 500дөй өкүлү катышып, анын негизги ролдорун облустук Барпы театрынын актерлору аткарышты. Облус борборундагы Нооруз майрамы тамак-аштардын, азык-түлүктөрдүн, эл керектөөчү буюмдардын көргөзмөлөрү жана спорт оюндары менен коштолду. (YA)
