Бүгүн Токмокто атайын даярдыктагы “Скорпион” аскер бөлүгү уюшулганынын 14 жылдыгын белгилейт. Буга байланыштуу жоокерлер ар кандай согуш ыкмаларын, аскердик жогорку чеберчиликтерин көрсөтүшөт. Атайын даярдыктагы “Скорпион” аскер бөлүгү 1994-жылы март айында уюштурулган. 1999-2000-жылдары Баткен окуясында “Скорпиончулар” чалгындоо иштерин жүрүгүзүп, барымтадагыларды бошоткон. Атайын даярдыктагы 7 аскер кызматкери “Манас” ордени, 17 аскер кызматкери “Эрдик” медалы менен сыйланган. Бул тууралуу Коргоо министрлигинин басма сөз кызматынан билдиришти. (AJ)
