Британиянын премьер-министри Гордон Браун менен бирге маалымат жыйынын өткөрүп жатып ооган президенти келаткан 20-августтагы президенттик шайлоого барарын айтты. Мурда Карзай президенттик шайлоого кайра барарын кыйытып келгени менен ырасмий түрдө айта элек болчу. Хамид Карзай 2001-жылы талип бийлиги кулаган маалда бийликке келип, 2004-жылы Ооганстандагы президенттик шайлоодо ишенимдүү түрдө жеңип чыккан. Карзайдын бул жолку шайлоодогу негизги атаандаштары мурдагы тышкы иштер минстри Абдуллах Абдуллах жана учурдагы каржы министри Анвар-уль-Хак Ахади болору айтылууда.
