6-июлда Талас районуна караштуу Көпүрө базар айылына Айыл-чарба министри И.Айдаралиев келип, кечинде айылдын 40ка жакын тургундары менен жолугушуу өткөрдү. Анда министр 23-июлда боло турган шайлоодо президент К. Бакиевди колдоого жана оппозицияга кошулбоого үндөдү. Ошондой эле эртеси президенттин администрация жетекчиси Д. Усенов келип, саат 13:00 жыйын өткөрүп, андан соң кафеден сый тамак берди. Мындай жолугушууларды өткөрүү менен бийлик өз ордунан ажырап калбаш үчүн жан далбас уруп жатканын элге дагы бир жолу ачык-айкын далилдегенин жергиликтүү маалымат булактарыбыз кабарлады. Бул тууралуу КСДП маалымат кызматынан билдиришти. (AJ)
