Ноокат тополоңунан улам узак мөөнөткө кесилгендердин бир тобунун жактоочусу Таир Асановдун айтымында, былтыр Орозо Айт күнкү окуя бардык жергиликтүү жана Жогорку Сот тарабынан адилет териштирилген жок. Жаңжалга аралашпаган адамдар ак жеринен күйүп кетишти. Ички мүмкүнчүлүктөр түгөнгөндүгүнө байланыштуу ноокаттыктар Бириккен Улуттар уюмунун адам укугу боюнча комитетине арыз жолдоп, аларды толук актап берүүнү өтүнүштү. Кыргызстандын укук коргоо органдары тарабынан 32 адам Ноокат райондук бийлигин кулатып, төңкөрүш жасоого аракет кылган деп айыпталып, узак мөөнөткө түрмөгө кесилген. (ATo)
