Диний сабатты жана толеранттуулукту жогорулатууга арналган семинарды ЕККУ дин иштери боюнча мамлекеттик агенттик менен чогуу өткөрүүдө. Иш-чарага негизинен Чүй облусунан жана Бишкек шаарынан өкүлдөр чакырылган. Анда ЕККУга кирген өлкөлөрдүн дин эркиндигин кепилдөөчү эл аралык стандарттары жана милдеттери, Кыргызстандагы дин боюнча жаңы мыйзам, диний чыр-чатактарды тынчтык жолу менен чечүү тууралуу маселелер каралууда. Мындай иш-чаралар буга чейин өлкөнүн Баткен, Жалал-Абат, Нарын, Ош жана Талас облустарында өткөрүлгөн. Кийинкиси сентябрь айында Ысык-Көлдө өткөрүлгөн соң, жыйынтыктоочу жыйын Бишкекте болот. Бул тууралуу ЕККУнун Бишкек борборунун басма сөз кызматы маалымдады.
Айрым саясатчылар Кыргызстанда террорчулук агымдардын күч алышына өлкөдөгү диний сабаттын төмөндүгү себеп, деп эсептешет.(ZKo)
Айрым саясатчылар Кыргызстанда террорчулук агымдардын күч алышына өлкөдөгү диний сабаттын төмөндүгү себеп, деп эсептешет.(ZKo)