Венесуэланын Орусиядан курал-жарак сатып алуу пландарына АКШ тынчсыздануусун билдирди. АКШнын Мамлекеттик департаментинин өкүлү Иэн Келлинин айтымында, расмий Каракастын куралданууну көбөйтүү аракети Латын Америкасындагы стабилдүүлүккө терс таасирин тийгизиши ыктымал. 13-сентябрда Венесуэланын президенти Уго Чавес Москва аскердик техника сатып алууга анын өлкөсүнө 2 миллиард 200 миллион доллар насыя берүүгө макул болгонун айткан.
