Нью – Йорктогу биржада кечээ кара майдын бир баррели 78,53 долларга бааланды. Бул - соңку бир жыл ичиндеги эң жогорку баа. Кара майдын бир баррелинин наркы эл аралык базарда акыркы жети күндүн ичинде эле 12,9%га же 9 долларга өстү. Кечээги кымбаттоонун алдында АКШ өкмөтүнүн маалыматтары өткөн айда Американын өнөр –жай өндүрүшү жогорулаганын көргөзгөн эле. Ал маалыматтар өз кезегинде өнөр-жай тармагы рецессиядан соң эми кайра жандана баштады деген үмүт жаратууда.
