Россия премьер-министри Владимир Путин 2012-жылкы президенттик шайлоого катышар-катышпасын азырынча билбейт. Ал дүйшөмбү күнү Сочи шаарында сүйлөп: "Мен жана президент Медведев 2012-жылкы президенттик шайлоого катышабызбы же жокпу, аны 2011-жылы айтарыбызды буга дейре көп ирет айтканбыз. Биз өлкөдөгү кырдаалга, эмне иштерди аткарганыбызга жана коомдук маанайга жараша чечим кабыл алабыз. Азыр ал жөнүндө айтуу эрте", -деди.
Путин 2008-жылга чейин эки мөөнөт төрт жылдан президенттик кылган. Ал ортодогу тыныгуудан кийин үчүнчү мөөнөткө шайланууга акылуу. Жаңы мыйзам боюнча Россияда президент алты жылга шайланат.