Иран бийликтери 1-марттагы билдирүүсүндө оппозиция лидерлери Мир Хусейин Мусави менен Мехди Карубини Тегерандын түрмөсүнө отургузулган деген кабарды калпка чыгарды. Бирок эки саясатчы кайда экенин айткан жок. Мусави жана Каруби 14-февралда элди Арап өлкөлөрүн колдоп, демонстрацияга чыгууга чакырышкандан бери үй камагында отурушкан. 24-февралда алардын үй-бүлөсүнүн жана оппозициянын сайты эки саясатчы аялы менен кошо камалып, Тегерандан тыш жактагы абакка жаткырылганын кабарлашкан эле.
