Токиодо түтүктөрдөн аккан таза суудан радиоактивдүү иодиндин деңгээли нормадан 2 эсе ашык болуп чыкты. Жапон бийлиги бул - өзгөчө жаш балдар үчүн өтө кооптуу болушу мүмкүн деп эскертти. Кабинеттин катчысы Юкио Эдано ууланган тамак-аштын сатылышына бөгөт коюу үчүн чаралар көрүлүп жатканын маалымдады. "Фукусима" өзөктүк станциясынын 3-реакторунда болсо кайрадан түтүн чыга баштады. Муздатуу системасын калыбына келтирип, атомдук кырсыкты алдын алууга аракеттенип жаткан жумушчулар эвакуацияланды.
Станция 11-мартта болгон катуу зилзала менен цунамиден жабыркаган.
Станция 11-мартта болгон катуу зилзала менен цунамиден жабыркаган.