Бишкектин Ала-Тоо аянтында Кыргызстандын эгемендигинин 20 жылдыгына карата салтанат Манастын айкелин ачуу менен башталды. Кабарчыбыздын маалымдашынча, иш-чарага президент Роза Отунбаева, өкмөт башчы Алмазбек Атамбаев жана Жогорку Кеңештин төрагасы Акматбек Келдибеков баштаган өлкө жетекчилери катышууда. Учурда шаардагы мекеме-ишканалардын кызматкерлери катышкан жана аскердик парад өтүп жатат. “Ак кула” майданында ат оюндары башталды. Ала-Тоо аянтында оюн-зоок кечинде да уланмакчы. Майрамдык салтанаттар Кыргызстандын бардык жеринде уюштурулган. (EBM)
