Президент аппаратынын жетекчиси Эмилбек Каптагаев депутат Садыр Жапаровдун бүгүн Жогорку Кеңештин жыйынында айткан кептери негизсиз экендигин “Азаттыкка” билдирди. Мындан тышкары 15-августтагы митингди уюштурбаганын ачыктап, “Мегаком” чуусунда Садыр Жапаровдун эжеси сот жообуна тартылып жатканын, натыйжада курулай жамандоонун арты менен Жапаров өзүнүн кандайдыр бир кызыкчылыгын коргоп жатканын кабарлады:
“Бул жерде кайра эле ошол Садыр Жапаровдун саясатташтырып, ушул абалдан өзүн жапа чеккен каарман катары көрсөтүү аракети. Негизи өзүнүн жеке кызыкчылыгын, жеке керт башы менен эжесинин эле кызыкчылыгын көздөй жатат”,-деди Эмилбек Каптагаев.
Президент аппаратынын жетекчиси “Витязь” пансионатында чындап эле туугандары иштерин, бирок алар мыйзам чегинде иштеп жатканын кошумчалады.
Жогорку Кеңештин бүгүнкү жыйынында депутат Садыр Жапаров “Каптагаев 15-августтагы митингди уюштуруп, парламенттин кезексиз жыйынын үзгүлтүккө учуратууга аракет кылган”, “Ысык-Көлдөгү “Витязь” пансионатында Каптагаевдин жакын туугандары акчаны өз чөнтөгүнө салып жатышат”, “Мегакомдун” акцияларына байланыштуу Каптагаевдин жеке кызыкчылыктары бар” деген айыптоолорду айткан.(KKs)
“Бул жерде кайра эле ошол Садыр Жапаровдун саясатташтырып, ушул абалдан өзүн жапа чеккен каарман катары көрсөтүү аракети. Негизи өзүнүн жеке кызыкчылыгын, жеке керт башы менен эжесинин эле кызыкчылыгын көздөй жатат”,-деди Эмилбек Каптагаев.
Президент аппаратынын жетекчиси “Витязь” пансионатында чындап эле туугандары иштерин, бирок алар мыйзам чегинде иштеп жатканын кошумчалады.
Жогорку Кеңештин бүгүнкү жыйынында депутат Садыр Жапаров “Каптагаев 15-августтагы митингди уюштуруп, парламенттин кезексиз жыйынын үзгүлтүккө учуратууга аракет кылган”, “Ысык-Көлдөгү “Витязь” пансионатында Каптагаевдин жакын туугандары акчаны өз чөнтөгүнө салып жатышат”, “Мегакомдун” акцияларына байланыштуу Каптагаевдин жеке кызыкчылыктары бар” деген айыптоолорду айткан.(KKs)