Америкалык расмий өкүлдөрдүн айтымында, АКШ менен Мексиканын чек арасынан наркоаткезчилердин өтө маанилүү жашыруун жолдорунун бири табылды. Узундугу 400 метр келген туннел АКШнын Сан-Диего шаары менен Мексиканын Тихуана шаарындагы кампаларды туташтырчу. Анын ичинен 17 тонна марихуана табылган. Мунун тогуз тоннасы туннелдин АКШдагы, ал эми сегиз тоннасы Мексикадагы бөлүгүнөн алынган.
