Азербайжандын Шах деңиз II мунай-газ кенин иштеткен консорциум Nabucco Батыш куурун пайдалануудан баш тартты. Бул жөнүндө Австриянын OMV энергетикалык компаниясы билдирди. OMV бүгүн жарыялаган билдирүүдө береги консорциум Европага газды өздөрү оң көргөн куур менен ташыганды туура тапканын кабарлаган. Бул чечим консорциум альтернативдүү жана арзаныраак Трансадриатика газ куурун пайдаланмак болгонун түшүндүрөт. Шах деңиз II мунай-газ кенин өнүктүү боюнча консорциумга Британиянын BP, Азербайжандын SOCAR, Норвегиянын Statoil жана Франциянын Total компаниялары кирет.
