Кыргызстандын Бажы биримдигине кирүүсүнө арналган жыйын болот

Анда Бажы биримдигине жана Евразия соода аймагына мүчөлүктүн оош-кыйыштары, өлкө экономикасына тийгизүүчү оң-терс таасирлери талкууланат. Талкууда Өкмөткө караштуу түзүлгөн мекемелер аралык комиссия Бажы биримдигине байланыштуу “Жол картасынын” долбоорун тааныштырары айтылууда.

Жыйын Экономика министрлигинин имаратында болот.

Кыргызстан Бажы биримдигине 2014-жылдан тарта мүчө болорун билдирген. Азырынча уюмга Орусия, Беларус жана Казакстан мүчө. (ZKo)