Ош шаарындагы жардамга муктаж үй-бүлөлөргө жана балдар үйлөрүнө гуманитардык жардам иретинде азык-түлүк таратылды. Иш-чараны “Эргэнэ” коомдук фонду уюштуруп, аны Youth of Osh коомдук бирикмесинин кызматкерлери ишке ашырды.
Аталган бирикменин жетекчиси Айжан Токтошева “Азаттыкка” билдиргендей, 15 тоннага жакын азык-түлүк каражаттары шаардагы балдар үйлөрүнө, жетим-жесирлер менен иш алып барган мекемелерге жана колу жука үй-бүлөлөргө 12-13-август күндөрү берилди.
Уюштуруучулар билдиргендей, жардам катары таратылган азыктар негизинен витаминдештирилген кургак жемиштер. Алар Кыргызстандын мамлекеттик эпидемиологиялык департаменти жана АКШнын айыл-чарба департаменти тарабынан текшерилип, сертификатталган. Тамак-аш 2524 адамга ылайыкталган.
Иш-чара «Азык-түлүк Тынчтык үчүн» программасынын алкагында ишке ашып, ал АКШнын эл аралык өнүктүрүү агенттиги жана The Resource and Policy Exchange эл аралык уюму тарабынан каржыланды. (SE)
Аталган бирикменин жетекчиси Айжан Токтошева “Азаттыкка” билдиргендей, 15 тоннага жакын азык-түлүк каражаттары шаардагы балдар үйлөрүнө, жетим-жесирлер менен иш алып барган мекемелерге жана колу жука үй-бүлөлөргө 12-13-август күндөрү берилди.
Уюштуруучулар билдиргендей, жардам катары таратылган азыктар негизинен витаминдештирилген кургак жемиштер. Алар Кыргызстандын мамлекеттик эпидемиологиялык департаменти жана АКШнын айыл-чарба департаменти тарабынан текшерилип, сертификатталган. Тамак-аш 2524 адамга ылайыкталган.
Иш-чара «Азык-түлүк Тынчтык үчүн» программасынын алкагында ишке ашып, ал АКШнын эл аралык өнүктүрүү агенттиги жана The Resource and Policy Exchange эл аралык уюму тарабынан каржыланды. (SE)