"Хизб-ут Тахрир" партиясынын мүчөсү деп шектелген Таш-Көмүр шаары менен Аксы районунан быйыл кармалган эки аялга карата козголгон кылмыш иш тергелип бүтүп калды. Алар диний кастыкты козуткан деп айыпталып жатканын "Азаттыкка" облустук ички иштер башкармасынын 9-бөлүмүнөн билдиришти. Кыргызстанда ишмердүүлүгүнө тыюу салынган "Хизб-ут Тахрир" уюмунун Жалал-Абад облусунда милицияда катталган колдоочулары 515 адам. Алардын 51и аялдар, калган 464ү эркектер, 148и кыргыз, 367си өзбек улутундагылар. (YA/RK)
