Президент Назарбаевдин мурдагы күйөө баласы Рахат Алиев Австрияда камакка алынды. Казакстан Алиевди эки банкирди уурдап, кийин өлтүргөн жана башка оор кылмыштарды жасаган деп күнөөлөп, 2007-жылдан бери өткөрүп алууну каалап жүрөт. Австрия полициясы 2011-жылы Алиевдин ишин өз алдынча тергей баштаган. Алиевдин адвокаты Манфред Айнедтер клиенти 5-июнда кечинде өзү полицияга барганын билдирди. Алиевди камакка алуу жөнүндө сот өкүмү май айында чыккан, ал “адам өлтүргөн жана адам уурдаган деп күнөөлөнөт”, -деди Айнедтер.
Австрия Алиевди өткөрүп берүү боюнча Астананын өтүнүчүн "сот адилет болбойт" деген негизде канааттандырган эмес. Нурсултан Назарбаевдин сынчысына айланган экс-күйөө бала ага каршы кылмыш иши саясий жүйөдөн улам козголгон деп актанып жүрөт.
Австрия Алиевди өткөрүп берүү боюнча Астананын өтүнүчүн "сот адилет болбойт" деген негизде канааттандырган эмес. Нурсултан Назарбаевдин сынчысына айланган экс-күйөө бала ага каршы кылмыш иши саясий жүйөдөн улам козголгон деп актанып жүрөт.