Жер жылдызы Жерге-Тал: Нооруз

Нооруз Нуриддинов такси айдайт. Чийедей эки баласын карап, аялы үйдө. Дүйшөмбүдөн Жерге-Талга, Жерге-Талдан Ошко киши ташыйт. Ажырашып кеткен биринчи аялынан уул-кызы Чүйг кеткен ата-энесиникинде. Кыргызстан чек араны жаап салганда, алардан кабар ала албайт, кардар да чыкпай калат. Азыр биротоло Кыргызстанга кетсемби деп жүрөт. Сөз кыязында, жергеталдык кыгыздардын жетекчилик кызматтарда жокко эсе болуп кетиши да миграциялык маанайды күч алдырып жатат. Согуштун айынан жогорку билим алган жок, бирок Кыргызстанга кеткен беш ини-карындашын бүт окутту. Жаңыл Жусупжан анын Жерге-Талдагы батиринде болгондо Нооруз сөзүн туулган жери тууралуу баяндан сөзүн баштады.