Орусиянын чыгышында «Чыгыш-2014» стратегиялык машыгуусу башталды. Ага, орус Коргоо министрлигинин маалыматында, 100 миңге жакын аскер кызматкери катышууда.
Чыгыш аскердик округдун жыйырмадан ашуун жөө, суу жана аба полигондорунда машыгуулар 25-сентябрга чейин өтмөкчү. 1,5 миң танк, 120 учак, 5 миң курал-жарак жана атайын аскердик техника, 70 кеме колдонулат.
Өткөн аптада президент Владимир Путин Чыгыш аскердик округдун күжүрмөн даярдыгын текшерүүнү буйруган болчу. (RK)