Айсулуу Тыныбекова Азия оюндарынын коло байгесине ээ болду. Кыз-келиндердин эркин күрөшүнөн 55 кг. салмакта күч сынашууга чыккан Айсулуу 3-орун үчүн болгон беттеште түндүк кореялык Инсун Жонгду 5:0 эсеби менен таза утуп алды.
Айсулуу Тыныбекова буга чейин чейрек финалда монголиялык Баямбатсерен Судневге каршы чыгып, бир аз гана упай айырмасында утулуп калган. Монголиялык күрөшчү кыз финалга чыккандыктан Айсулууга коло байге үчүн жооткотуучу беттешке чыгууга мүмкүнчүлүк пайда болгон.
17-Азия оюндарында учурда Кыргызстандын эсебинде 4 медал бар. Буга чейин велоспорттон Евгений Ваккер күмүш жана эркин күрөштөн Эламан Догдурбек уулу коло, Магомед Мусаев күмүш байге тагынган. (Ezh/TSh)