Тажикстандын премьер-министри Кохир Расулзода Кыргызстандын премьер-министри Жоомарт Оторбаевдин чакыруусу менен келе жатат деп билдирди өкмөттүн басма сөз кызматы. Тажик премьер-министринин сапарында Кыргызстан -Тажикстан кызматташтыгынын азыркы абалы, келечеги жана көйгөйлөрү талкууланат.
Бүгүн ошондой эле Ош жана Баткен шаарларында кыргыз-тажик жаштар ынтымагын бекемдөөгө арналган фестивал жыйынтыкталат.
Чектеш жайгашкан Кыргызстан менен Тажикстан элдеринин жер жана суу талашынын айынан чек арада соңку кезде ар кандай чыр-чатак көп болууда. Үстүбүздөгү жылы эле ок атуу менен коштолгон бир нече чатак катталды. (ZKo)