Кошмо Штаттардагы эң чоң 30 компаниянын акцияларынын наркын көрсөткөн Доу Жонс индекси рекорддук чек - 18 миңди багындырды.
Бул АКШнын баалуу кагаздар рыногунун 118 жылдык тарыхындагы биринчи окуя. 23-декабрда акциялардын наркынын өсүшүнө АКШнын экономикасы үстүбүздөгү жылдын 3-чейрегинде 5% өскөнү тууралуу кабар жана Борбордук банктын "жакында проценттик ставкалар көбөйтүлбөйт" деген билдирүүсү түрткү берди. Соңку 11 жылда АКШнын экономикасы мынчалык бийик өскөн эмес.