Мындан ары Кыргызстандын маңзатка каршы күрөшүү кызматын Орусия каржылайт. Бул тууралуу Жамааттык коопсуздук келишими уюмунун баш катчысы Николай Бордюжа билдирди.
- Буга чейин маңзатка каршы күрөшкөн кызматкерлерди АКШ каржылап келген. Бирок алар маянасын гана жабышчу. Биз аскер жабдыктарына жана курал-жарактарына да акча бөлөбүз, - деди Бордюжа.
Орусия Тажикстанга да маңзатка каршы күрөшүүгө каражат бөлөт. ЖККУ уюмга мүчө өлкөлөрдөгү экстремисттик уюшкан топторго, мыйзамсыз миграцияга жана маңзат таркатууга каршы күрөшүп келет. (LzT)