Бүгүн Жалал-Абадда “Санпа” курмандыктары эскерилет

"Санпа" курмандыктарына арналып тургузулган эстелик.

Бишкек-Ош жолунун Сузак районундагы бөлүгүндө тургузулган эстеликтин жанына шейит кеткендердин туугандары жана жергиликтүү бийлик өкүлдөрү чогулуп, курман болгондордун арбагына багыштап куран окушат. Бул тууралуу Жалал-Абад облусук бийликтин басма сөз кызматы билдирди.

Беш жыл мурунку Июнь коогасында «Санпа» заводунун айланасында 16 адам каза таап, 9 автоунаа өрттөлгөн. Эки кишинин дайыны азыркыга чейин белгисиз. (RsK)