Таш акиташка кантип айланды?
Сиздин браузер HTML5 ыкмасын колдобой жатат.
2010-жылга чейин түштүккө акиташ Өзбекстандан келчү. Акыркы жылдары карапайым элеттиктер Өзбекстандын акиташына болгон көз карандылыкты өз күчтөрү менен жоюп келатышат. Учурда Араван, Ноокат райондорунда жана Оштун түштүк тарабындагы адырлардын арасында акиташ бышыруучу бир нече отказандар пайда болгон. Акиташ отказандарында жүздөгөн кишилер иштеп, кадимки тоо ташынан күн сайын жүздөгөн тонна акиташ чыгарып жатышат. Оштун түштүк тарабындагы адырда акиташ чыгаруучу жайлардын биринде бригадир болуп иштеген Нурмухаммедали Орозалиев 60 жумушчу менен күн сайын 20-30 тонна акиташ өндүрөт.