3-августта түнкү саат 22 кийин нөшөрлөп жааган жаандан Нарын районунун Орто-Саз айылында сел жүргөн.
Сел Кара-Коо коктусундагы мал сарайдын жанында жыйылган 4 тонна чөптү толугу менен агызып, Нарын-Ийри-Суу унаа жол аркылуу 20 турак жайды каптап, 5 үйдүн жертөлөлөрүн чайкаган. Бала бакчанын короосун сел каптаган.
Учурда ӨКМдин жергиликтүү куткаруучулары, айылдык ыктыярчылар жана райондук жарандык коргонуу комиссиясы биргелешип селдин кесепеттерин жоюшту. (МТо)