Бишкектин четиндеги бир катар конуштарды таза суу менен камсыздоо долбоору жыйынтыкталды. Суу чыгаруу иши Дүйнөлүк банк тарабынан каржыланып, 352 миллион сомго бүттү.
26-августта Баш-Кара-Суу аймагында суу түтүктөрү ишке берилди. Мындан ары Ак-Ордо, Ак-Өргө, Ынтымак, Орок, Арча-Бешик, Жал, Ала-Арча, Ала-Тоо өңдүү конуштарга өз алдынча түтүк менен суу барат. Буга чейин алар шаардын негизги суу каналына туташып, суу бөлүштүрүүдө кыйынчылыктар болгон.
Мэриянын конуштарды таза суу менен камсыздоо долбоору 2013-жылдын январь айында башталган. (SDz)