Нью-Йоркто АКШ жана Орусия президенттери Барак Обама менен Владимир Путин жолугушуп, Украина, Сирия кризисин талкуулады.
Бул эки лидердин 2013-жылдын жайынан берки биринчи жолугушуусу.
Бириккен Улуттар уюмунун штаб-квартирасында өткөн жолугушуу пландалган убактан узакка созулду.
Ак үйдүн өкүлү билдиргендей, сүйлөшүүнүн жарымы Украинадагы кырдаалга арналды.
Орусия президенти эки тараптуу жолугушуу ачык жана пайдалуу өткөнүн белгиледи. (KE)